സ്വന്തം കാര്യം

ബസിറങ്ങുന്നതിനു കുറച്ചപ്പുറത്താണ് രാഘവേട്ടെന്റെ മാടക്കട. കടയില്‍ വൈകുന്നേരത്ത് നല്ല തിരക്കായിരിക്കും. ഇന്നതുണ്ടായില്ല. കാരണം തിരക്കിയപ്പോള്‍ രാഘവേട്ടന്‍ പറഞ്ഞു: "മലപ്പൊറത്തൂന്നു അഞ്ചാറാള്‍ക്കാരു വന്നിറങ്ങീട്ടൊണ്ട്. പലരെയും തപ്പി നടക്വാ. കൈയ്യില്‍ കിട്ടിയവനമ്മാരെ ഒക്കെ തല്ലി. പാര്‍ട്ടീക്കാരാ."

"അപ്പോ... രാഘവേട്ടന് പേടില്ലെയോ...?"

"എന്തിന്... ഞാന്‍ പാര്‍ട്ടിക്കാരനല്ലേ ...?"

രാഷ്ട്രീയം പറയുന്നവരെ അടുപ്പിക്കാതിരുന്ന രാഘവേട്ടനിതെന്തു പറ്റി എന്നാലോചിച്ചു നടക്കവേ എനിക്കുമുദിച്ചു ഒരു ബുദ്ധി.

"ഞാനും ഇപ്പൊ മുതല് പാര്‍ട്ടിക്കാരനാ."