കഥയിടം

പകരം വെയ്ക്കലുകള്‍ / ഒറ്റവരി കഥകള്‍

2010-07-09T22:37:00.002-04:00

വഴി
അമ്മയുടെ മുലപ്പാലിന് പകരമെന്തു നല്‍കും എന്ന വലിയ ചിന്ത അയാളെ കൊണ്ടെത്തിച്ചത് വൃദ്ധസദനത്തിലാണ്.

ഉത്തരം
അയാള്‍ക്ക്‌ അവളോട്‌ സ്നേഹമില്ലന്ന പരാതി തീര്‍ക്കാന്‍ അയാള്‍ മറ്റൊരു കല്യാണം കഴിച്ചു അവളെ സഹായിച്ചു.

കടം
കടക്കെണി മൂലമാണ് അയാള്‍ ആത്മഹത്യ ചെയ്തതെങ്കിലും അതംഗീകരിച്ചു തരാന്‍ അയാളുടെ വീട്ടുകാര്‍ തയ്യാറല്ലായിരുന്നു.

അവസാനം
മഷി തീര്‍ന്ന പേനയിലേക്ക്‌ രക്തം പകര്‍ന്നെഴുതിയ വിപ്ലവഗാനങ്ങള്‍ക്ക് ചുവപ്പ് പോരാന്നു വിപ്ലവസഖാക്കള്‍

പ്രതി
വാടകയ്ക്കൊരു ഗര്‍ഭപാത്രം എന്ന ആശയം നടപ്പാക്കാന്‍ കഴിയാത്തതില്‍ മചിയായ ഭാര്യയെ തൊഴിച്ചുകൊന്നയാള്‍ പകരം വീട്ടി.

ശമര്യാക്കാരന്‍
അയലത്തുകാരന്റെ വീട്ടിലെ സ്വസ്ഥതയും, സമാധാനവും അയാളുടെ വീട്ടിലെ സ്വസ്ഥത കെടുത്തി.

വ്യവസ്ഥിതി
വ്യാത്സായനു കാമസൂത്രം എഴുതാമെങ്കില്‍ കുടുംബ ബന്ധങ്ങളെ കുറിച്ച് എനിക്കും പറയാമെന്നു പാതിരി.

അനാഥന്‍
ആരുമില്ലാത്തവര്‍ക്ക് ദൈവം തുണയെങ്കില്‍ ദൈവത്തിനാരു തുണ..? പാവം...!!

നാല് നിലവിളികള്‍

2010-07-07T08:37:00.000-04:00

ഒന്ന്

മെഴുകുതിരി അലറി കരഞ്ഞു നിലവിളിച്ചത് ഒരു കാരണവുമില്ലാതെ തന്നെ വെറുതെ എരിച്ചു കളയുന്നതിലായിരുന്നു.

എന്നാല്‍ തീപ്പട്ടിയാകട്ടെ മെഴുകുതിരി എരിഞ്ഞു തീരാന്‍ ഞാന്‍ ഒരു കാരണമായല്ലോ എന്നാ അതീവ സന്തോഷത്തിലുമായിരുന്നു.

രണ്ട്

അമ്മ മരിച്ചപ്പോള്‍ അച്ഛന്‍ കരഞ്ഞതെ ഇല്ലല്ലോ എന്ന് അയാള്‍ ഓര്‍ക്കുകയായിരുന്നു. അച്ഛന്‍ നെഞ്ചകം നീറി നിലവിളിച്ചത് അയാളെന്നല്ല, ആരുമറിഞ്ഞില്ല.

മൂന്ന്

രാത്രിയില്‍ ഒന്നിനും ഒരു കാരണവുവില്ലാതെ അയാള്‍ ഇടയ്ക്കെല്ലാം നിലവിളിക്കാരുണ്ടായിരുന്നു.

എന്തിനെന്നു തിരക്കുമ്പോഴെല്ലാം അയാള്‍ വെറുതെ ചിരിച്ചു കൊണ്ടേയിരുന്നു.

ആളുകള്‍ പറഞ്ഞു : 'പാവം". അയാളുടെ കാലിലെ ചങ്ങലെയെ കുറിച്ചറിയാന്‍ പിന്നെയും നാളുകള്‍ കുറെയെടുത്തു.

നാല്

കണ്ണ് കാതിനെയും കാത് കണ്ണിനെയും

ചെവി മൂക്കിനെയും മൂക്ക് ചെവിയും സമയം കിട്ടുമ്പോഴെല്ലാം കുറ്റം പറഞ്ഞു കൊണ്ടേയിരുന്നു.

ഇതിലൊന്നും പെടാതെ നാവു മാത്രം മിണ്ടാതെയിരുന്നു. നാവിനറിയാം ഞാന്‍ പറഞ്ഞാലും പറഞ്ഞില്ലെങ്കിലും നാട്ടുകാര്‍ പറയും "നാവുദോഷം"

നാല് കുഞ്ഞന്‍ കഥകള്‍

2010-06-19T10:58:00.002-04:00

സ്വപ്നം.

സ്വപ്നത്തില്‍ അയാള്‍ക്ക്‌ ആകെയണ്ടായിരുന്നത് അവളും, അവള്‍ക്കു അയാളുമായിരുന്നു.

എന്നിട്ടും അവള്‍ അയാളുടെതും അയാള്‍ അവളുടെതുമായിരുന്നില്ല.

അവര്‍ സ്വപനത്തില്‍ മാത്രം ഒന്നായിരുന്നു.

അഴി+മതി.

ദേശത്ത് അഴിമതി വ്യാപകമായപ്പോള്‍ എല്ലാവരും ഒരേ സ്വരത്തില്‍ പറഞ്ഞു: "കള്ളന്‍ കപ്പലില്‍ തന്നെ.."

ഒടുവില്‍ കപ്പലും മുക്കി കള്ളന്‍ പോയപ്പോള്‍ ഒന്നും പറയാന്‍ ആരുമുണ്ടായില്ല.

ടിവി അതിരസം

അയാള്‍ പലതു പറഞ്ഞു കുട്ടികളെ പേടിപ്പിക്കുവാന്‍ നോക്കി.കുട്ടികള്‍ അതെല്ലാം കണ്ടു പൊട്ടി ചിരിച്ചു.

അയാള്‍ ചോദിച്ചു:"നിങ്ങള്‍ക്ക് പേടി തോന്നുന്നില്ലേ.."

"ഇതിലും വലുതാ ദിവസോം ടീവില് കാണണതു . പിന്നല്ലേ ഇത്"

കീശയുടെ വിന

ഒന്നുമില്ലാത്ത കീശ തുറന്നു കാട്ടി അയാള്‍ അനുകമ്പ നേടാന്‍ നോക്കിയതയാള്‍ക്ക് വിനയായി. അവള്‍ അയാളെ ഉപേക്ഷിച്ചു പോയി.

ഒളിച്ചോട്ടം

2010-06-17T22:44:00.005-04:00

ഒളിച്ചോടുക എന്നുള്ളത് അത്ര പ്രയാസമുള്ള കാര്യമായി അവള്‍ക്കു തോന്നിയില്ല.അവളതു പറഞ്ഞപ്പോഴേക്കും അയാള്‍ക്ക്‌ വിറയല്‍ തുടങ്ങിയിരുന്നു.അങ്ങനെ അവളുടെ ധൈര്യത്തില്‍ അയാള്‍ രാത്രിയില്‍ വരാമെന്നേറ്റു മടങ്ങി.
അവള്‍ കാത്തുനില്‍ക്കാന്‍ തുടങ്ങിയിട്ട് ഏറെ നേരമായി. അയാളെ കാണാത്തതില്‍ അവള്‍ക്കു വേവലാതി ആയി. ട്രയിനിന്റെ സമയം അടുത്ത് വരുന്നു.രാത്രിയില്‍ വിളിച്ച ഓട്ടോക്കാരന്‍ അക്ഷമനായി : "അയാള്‍ ചതിക്കുമോ..?''
ഒടുവില്‍ വേവലാതികള്‍ക്ക് അറുതി വരുത്തി അയാളെത്തി."എനിക്കാകെ പേടിയാകുന്നു."
അവള്‍ക്കു ദേഷ്യം വന്നു.
"ഏതായാലും നനഞ്ഞു, ഇനി കുളിച്ചു കയാറാം..." ഓട്ടോക്കാരന്‍ പറഞ്ഞു.
"അയ്യോ ഞാനില്ല." അയാള്‍ പിന്തിരിഞ്ഞോടി.
അവള്‍ ഓട്ടോയില്‍ കയറി ഇരുന്നു കരഞ്ഞു. ഓട്ടോക്കാരന്‍ ചോദിച്ചു.: " ഇനി കരഞ്ഞിട്ടെന്താ കാര്യം. ട്രയിന്‍ എപ്പോഴാ..?" അവള്‍ തലയുയര്‍ത്തി അയാളെ നോക്കി.
"ഇപ്പോ പോയാ നമുക്കാ ട്രെയിനിനു പോകാം."

സാമൂഹികം

2010-06-02T10:30:00.000-04:00

നിങ്ങളില്‍ ചിലര്‍ എന്നെ അന്ധനെന്നും, ഇരുട്ടിന്റെ സന്തതി എന്നും വിളിച്ചു. അതിലെനിക്ക് പരിഭവമോ പരാതിയോ ഇല്ല.

പിന്നീട്, ഞാന്‍ നിങ്ങളെ നോക്കി ചിരിച്ചു എന്ന ഒറ്റ കാരണത്താല്‍ നിങ്ങള്‍ എന്നെ മുഴുഭ്രാന്തന്‍ എന്ന് വിളിച്ചു. നിങ്ങളത് നിങ്ങടെ കുട്ടികളെയും ശീലിപ്പിച്ചു.

ഇപ്പോള്‍ ഒരു കുറ്റവും ചെയ്യാത്ത എന്നെ നിങ്ങള്‍ കള്ളനെന്നും, കാപാലികനെന്നും വിളിക്കുന്നു.

നിങ്ങള്‍ ഒന്നറിയുക.

"വിശന്നപ്പോഴാണ് ഞാനപ്പം ചോദിച്ചത്..."

സ്വന്തം കാര്യം

2010-05-18T10:00:00.001-04:00

ബസിറങ്ങുന്നതിനു കുറച്ചപ്പുറത്താണ് രാഘവേട്ടെന്റെ മാടക്കട. കടയില്‍ വൈകുന്നേരത്ത് നല്ല തിരക്കായിരിക്കും. ഇന്നതുണ്ടായില്ല. കാരണം തിരക്കിയപ്പോള്‍ രാഘവേട്ടന്‍ പറഞ്ഞു: "മലപ്പൊറത്തൂന്നു അഞ്ചാറാള്‍ക്കാരു വന്നിറങ്ങീട്ടൊണ്ട്. പലരെയും തപ്പി നടക്വാ. കൈയ്യില്‍ കിട്ടിയവനമ്മാരെ ഒക്കെ തല്ലി. പാര്‍ട്ടീക്കാരാ."

"അപ്പോ... രാഘവേട്ടന് പേടില്ലെയോ...?"

"എന്തിന്... ഞാന്‍ പാര്‍ട്ടിക്കാരനല്ലേ ...?"

രാഷ്ട്രീയം പറയുന്നവരെ അടുപ്പിക്കാതിരുന്ന രാഘവേട്ടനിതെന്തു പറ്റി എന്നാലോചിച്ചു നടക്കവേ എനിക്കുമുദിച്ചു ഒരു ബുദ്ധി.

"ഞാനും ഇപ്പൊ മുതല് പാര്‍ട്ടിക്കാരനാ."

മരണ വൃത്താന്തം

2010-05-07T23:01:00.000-04:00

"മകനേ, വരുന്ന ശനിയാഴ്ച ഞാന്‍ മരിക്കാന്‍ തീരുമാനിച്ചിരിക്കുകയാ. ബാക്കി എല്ലാ കാര്യങ്ങളും ഭംഗിയായി തന്നെ നടത്തിയേക്കണം". അച്ഛന്റെ ഇ-മെയില്‍ കിട്ടിയ ഉടനെ മകന്‍ മറുപടി അയക്കുവാന്‍ കാത്തു നില്‍ക്കാതെ , പകരം ഫോണില്‍ വിളിച്ചു പറഞ്ഞു : " ചതിക്കല്ലേ, അച്ഛാ. ആകെ കൂടി കിട്ടുന്ന രണ്ടു അവധി ദിവസങ്ങളാ ശനിയും, ഞായറും. തിങ്കളാഴ്ച ആവുമ്പോ നല്ല ദിവസോമാ. കൂടാതെ അവധി തരപ്പെടുത്താനും ബുദ്ധിമുട്ടില്ല. എല്ലാം ഒരു കുറവും വരാതെ ഭംഗിയായി ചെയ്യുകേം ചെയ്യാം."

കാര്യസാധ്യം

2010-04-20T21:22:00.002-04:00

മക്കളെ കുറഞ്ഞത്‌ ഡോക്ടര്‍ എങ്കിലും ആക്കുക എന്നത് എതോരച്ചന്റെയും ആഗ്രഹമാണ്. അതിനാണയാളും ശ്രമിച്ചത്. കൈകൂലി വാങ്ങി സമ്പാദിച്ചതും, പിതൃ സ്വത്തവകാശവും കൂട്ടി നല്‍കി അവസാനം സീറ്റ്‌ ഒപ്പിച്ചെടുത്തു. ഉന്തി തള്ളി അഞ്ചു വര്ഷം കഴിച്ചു.

ഇപ്പോഴയാള്‍ മകന്റെ ചികിത്സയിലാണ്. ആഴ്ചയില്‍ മൊത്തം ചെലവ് ഇരുന്നുറ്റംപ്തു. ഡോക്ടര്‍ ഫീസ്‌ വേറെ നുറ്, ബാക്കി മരുന്നിനും. എങ്കിലും അയാള്‍ ആശ്വസിച്ചു. "മകനായതോണ്ട് വിശ്വസിക്കല്ലോ...!!"

വാദിയും പ്രതിയും

2010-03-25T08:00:00.001-04:00

കോടതി വരാന്തയില്‍ അയാളുടെ വക്കീല്‍ പ്രതിയോട് സംസാരിക്കുന്നതും കൈ കൊടുത്തു പൊട്ടി ചിരിക്കുന്നതും അയാള്‍ നിസാരമായെ കണ്ടുള്ളൂ. വിധി പറയലിന്റെ ഓരോ ദിവസവും സാഹ്യച്ചരങ്ങള്‍ മാറി മാറി വന്നു. വിധി വന്നപ്പോള്‍ അയാളായിരുന്നു പ്രതി.

ജാതിയില്ലാക്കാലം

2010-03-19T11:02:00.006-04:00

ഇന്റര്‍വ്യൂ ബോര്‍ഡിലെ നരച്ച താടിക്കാരന്‍ ചോദിച്ചു : "ജാതി...?"

" സാര്‍, ജാതി ചോദിക്കരുത്, പറയരുത് എന്നാണല്ലോ ഗുരുവചനം."

"അതൊക്കെ പണ്ട്. ഇപ്പോ ജാതിയില്ലാക്കാലം - അരുതാക്കാലം... അതോണ്ട് ഏതു ജാതി...?"

" സാറെതു ജാതി...?"

" ഞാന്‍..."

'ഞാനും...!!"

നരച്ച താടിക്കാരന്‍ ചിരിച്ചു.

"കുട്ടി അടുത്ത ഒന്നാം തിയതി വന്നോളൂ"

രണ്ടു കഥകള്‍

2010-03-05T22:42:00.002-05:00

പരസ്ത്രീ
ലഹരിയുടെ മറവില്‍ മാംസത്തിന്‍റെ രുചി ആഘോഷിക്കുമ്പോള്‍ അയാളോര്‍ത്തില്ല അയാളെ കാത്ത് ഭാര്യ വീട്ടിലിരുന്ന് കരയുന്നുണ്ടാവുമെന്ന്.. അപ്പൊഴയാള്‍ ചിന്തിച്ചത് രുചികരമായ ഭക്ഷണത്തെ കുറിച്ച് മാത്രമായിരുന്നു.

അനാദരവ്
ദേശീയഗാനം കേട്ടപ്പോള്‍ അയാള്‍ക്കാദരവ് തോന്നി. അയാള്‍ എഴുന്നേറ്റ് നിന്നു. "മാഷേ, ഇപ്പോ

എഴുന്നേല്‍ക്കുകയൊന്നും വേണ്ടാ. നമ്മെടെ ഒരു മന്ത്രി കാലുമ്മേല്‍ കാല്‍ കയറ്റിവച്ചിരുന്ന് ദേശീയഗാനം കേട്ടിരുന്നത് ഇത്ര പെട്ടെന്ന് മറന്നുവോ..? പിന്നല്ലേ പാവം നമ്മള്‍...!!"

"വകതിരിവില്ലാത്തവന്മ്മാര്‍ പലതും കാട്ടുന്നൂന്ന് വെച്ച്

നമുക്കങ്ങനെയാവാന്‍ പറ്റുവോ..?. അല്ലങ്കില്‍ തന്നെ അത് ശരിയാണോ..?"
മാഷിന്‍റെ മറുപടി കേട്ടപ്പോള്‍ ഞാനാകെ വല്ലാതെയായി.
© റ്റോംസ് കോനുമഠം

ക്രൂരഫലിതം

2010-02-20T17:20:00.007-05:00

മച്ചിന്‍ പുറത്ത് നിന്ന് എലികളെ കുടുക്കി വെള്ളത്തില്‍ മുക്കി കൊല്ലുമ്പോള്‍ അയാള്‍ വല്ലാതെ രസം പിടിച്ച് തലയാട്ടുമായിരുന്നു.

അവരുമായി കരാറിലേര്‍പ്പെടുമ്പോള്‍ അവന്‍ തികച്ചും സന്തോഷവാനായിരുന്നു.

ആളാരാണന്നയാള്‍ ചോദിച്ചു : "വരൂ, കാട്ടിത്തരാം" അവര്‍ മദ്യത്തിന്‍റെ ലഹരിയില്‍ ആടി.

"കുടിച്ച് കൂത്താടി ആള്‌ മാറരുത്."

"ഏയ്, അതൊന്നുമില്ല.അത്രയ്ക്കെസ്പീരിയന്‍സ്സാ. താന്‍ വാ". അവര്‍ അയാളെ വിളിച്ചു.

രാത്രിയിലയാള്‍ പാതയോരത്ത് പതിയിരുന്നു.

കൈനീട്ടി കാശ് വാങ്ങുമ്പോള്‍ അയാള്‍ ഏറെ സന്തോഷിച്ചിരുന്നു. വെള്ളകുപ്പായം അടുത്തു വന്നപ്പോഴേക്കും അയാള്‍ ചാടിവീണു. പിടഞ്ഞയാള്‍ നിലവിളിച്ചപ്പോള്‍ അയാള്‍ രസം പിടിച്ച് അഞ്ഞാഞ്ഞ് കുത്തി. പിടച്ചില്‍ ഞരക്കമായപ്പോള്‍ എടുപ്പില്‍ നിന്നും തീപ്പെട്ടിയെടുത്ത് മുഖം നോക്കി.

അതയാളുടെ അച്ഛനായിരുന്നു.

മോചനം

2010-01-19T12:43:00.007-05:00

വിഷസ്ഞ്ചിയിലെ വിഷം ചീറ്റി പാമ്പ് വേവലാതി പൂണ്ടു. "എനിക്കീ കൂടയില്‍ നിന്നും മോചനം നേടണം."

പാമ്പാട്ടി പറഞ്ഞു : "നിന്റെ ജോലി ആടുകയെന്നത് മാത്രമാണ്‌. അതിനപ്പുറമുള്ള ലോകം ഭയാനകമാണ്‌."

"ഇല്ല..ഇല്ല..കള്ളം.എനിക്ക് മടുത്തു. എന്നും ഒരേ ആടല്‍ മാത്രം. പാലും പഴവും മടുത്തു. സ്വൈരവിഹാരം നടത്തണമെനിക്ക്.."

പാമ്പാട്ടി ക്രൂദ്ധനായി. അയാള്‍ മേല്‍ക്കൂട് വലിച്ചടച്ചു. മകുടി ഭദ്രമായി സഞ്ചിയില്‍ വെച്ചു.

പാമ്പോര്‍ത്തു : നീചന്‍, എന്റെ സ്വാതന്ത്ര്യം അയാളുടെ അന്നം മുട്ടുമെന്നയാള്‍ ഭയക്കുന്നു. ഭ്രാന്ത് പിടിക്കുന്ന അവസ്ഥയില്‍ പാമ്പ് അസ്വസ്ഥനായി.

പിറ്റേദിവസം, കൂട തുറന്നപ്പോഴേക്കും പാമ്പ് ശീല്‍ക്കാരശബ്ദ്ത്തോടെ പുറത്തേക്ക് ചാടി, വായുവില്‍ ഇഴഞ്ഞ് പൊങ്ങി. പാമ്പാട്ടി മകുടം സഞ്ചിയില്‍ പരതി. മകുടി അയാളുടെ കൈയ്യില്‍ നിന്നും തെന്നി മാറി.

പൊന്തക്കടിനൊടുവില്‍ മുള്‍പ്പടര്‍പ്പിലേക്ക് നുഴഞ്ഞ്കയറവേ ഊക്കോടെ ഒരടി പുറത്ത് വീണു. പിന്നീട് തലങ്ങും വിലങ്ങും..

ഒടുവില്‍...

തീരാദുഃഖം

2010-01-05T12:45:00.004-05:00

ഒരിക്കല്‍ കത്തിയെരിയുന്ന മെഴുകുതിരി എന്നോട് ചോദിച്ചു : “അഗ്നിയില്‍ ഉരുകിയൊലിക്കുന്നയെന്നില്‍ നീ കാണുന്നത് തെളിഞ്ഞ് നില്‍ക്കുന്ന വെളിച്ചമോ അതോ എന്റെ തീരാത്ത ദു:ഖമോ..?"

ഒന്നും പറയാതെ ഞാനാ മെഴുകുതിരി ഊതിക്കെടുത്തി ഇരുട്ടിലിരുന്നു.

അസ്ഥിത്വം

2010-01-05T12:43:00.004-05:00

ഞാന്‍ മരിച്ചു കഴിഞ്ഞിരിക്കുന്നു. ശവം തിരിച്ചറിഞ്ഞു.

പട്ടടയില്‍ കയറ്റി ചുടാന്‍ ഏതാനും നിമിഷങ്ങള്‍ മാത്രം. എത്രയും പെട്ടന്ന് രക്ഷപെടണം.

ശവം എഴുന്നെല്‍ക്കാന്‍ ശ്രമിച്ചു. നടക്കുന്നില്ല. കൈയ്യും കാലും വരിഞ്ഞ് കെട്ടിയിരിക്കുകയാണ്‌. അലറി വിളിക്കണമെന്ന് തോന്നി. ശബ്ദം മുറിഞ്ഞ് തൊണ്ടയില്‍ കുരുങ്ങി. ചൂട് ശരീരത്തിലേക്ക് പടര്‍ന്ന് കയറുന്നത് അറിയുന്നുണ്ടായിരുന്നു. മാംസം വേവുന്നു. ദഹിച്ച് തീരാന്‍ ഇനിയും സമയം എടുക്കും അതിന്‌ മുന്‍പ് രക്ഷപെടണം. ദഹിക്കാന്‍ കാത്തു നില്‍ക്കാതെ അസ്ഥി ചിതയില്‍ നിന്നും കുതറി എഴുന്നേറ്റ് പുറത്തേക്ക് ചാടി.

പുറത്ത് കടന്നപ്പോള്‍ അസ്ഥി ചുറ്റും പരതുകയായിരുന്നു. സ്ന്ധ്യ വീണ്‌ കഴിഞ്ഞിരുന്നു. ഇനി എങ്ങോട്ട്..? അറിയില്ല..? അപ്പോഴും ചിതപുകയുന്നുണ്ടായിരുന്നു.

അനിരുദ്ധനെ കുറിച്ച് പറയുമ്പോഴും, ഓര്‍ക്കുമ്പോഴും...

2010-01-01T18:22:00.003-05:00

ഏട്ടന്‍ കാരണമല്ലേ അനിരുദ്ധന്‍ ഇവിടെ വരാത്തതെന്ന് ഇന്നെലെയും കൂടി അനുജത്തി പറഞ്ഞു. അതുമുതല്‍ മനസ്സ് പിറകോട്ട് പോകുകയാണ്‌. എന്നേക്കാളേറെ അനുജത്തി അവനെ സ്നേഹിച്ചിരുന്നു. അതോര്‍ക്കുമ്പോള്‍ ഞാന്‍ സ്വാര്‍ത്ഥനാവുകയാണ്‌.

എന്നാണ്‌ അനിരുദ്ധനെ കണ്ടത്..? അല്ലങ്കില്‍ വന്നത്..?

ഒരുച്ചയ്ക്ക്. ഉച്ചയൂണ്‌ കഴിഞ്ഞ് തളത്തില്‍ കട്ടിലില്‍ കിടക്കുമ്പോഴാണ്‌ പടികടന്നോരാള്‍

വരുന്നത് ശ്രദ്ധിച്ചത്. തളത്തില്‍ നിന്നിറങ്ങി കോലായിലെത്തിയപ്പോള്‍ അയാള്‍ ചുറ്റും പരതുകയായിരുന്നു.

"ആരാ മനിസിലായില്ലല്ലോ..?"

"ഞാനല്പം... അല്ല, എനിക്കിത്തിരി വെള്ളം കിട്ടിയിരുന്നെങ്കില്‍..."

ഞാനനുജത്തിയെ വിളിച്ച് പറഞ്ഞപ്പോള്‍ അയാള്‍ തുടര്‍ന്ന് ചോദിച്ചു : "സാറിന്റെ..?"

"മാധവന്‍ കുട്ടി. നിങ്ങള്‍..?"

അനുജത്തി കൊണ്ട് വന്ന വെള്ളം മൊത്തിക്കുടിച്ചശേഷം അയാള്‍ അനുജത്തിയോട് നന്ദിയും പറഞ്ഞു. ഞാന്‍ ചോദ്യത്തിനു മറുപടി പ്രതീക്ഷിച്ച് നിന്നു.

"സാര്‍..സാറിനൊരു ബുദ്ധിമുട്ടായില്ലേങ്കില്‍...ഞാനിവിടൊന്നിരുന്നോട്ടെ..?"

ഞാനൊന്നും മിണ്ടിയില്ല. ഇരുന്നശേഷം അയാള്‍ പറഞ്ഞു.

"സാര്‍, എന്റെ കുറ്റമാണോ? സാര്‍..അല്ല എനിക്കറിവില്ലാത്തത് കൊണ്ട് ചോദിക്കുകയാണ്‌. എന്നോട്

സ്നേഹമില്ലാഞ്ഞല്ലേ അയാള്‍ എന്നെ ഇറക്കിവിട്ടത്.." അയാളപ്പോഴേക്കും വിക്കി.

"ആര്‌..?"

"അച്ഛനല്ലാതാര്‌?" എന്തിനെന്ന് ചോദിക്കുന്നതിന്‌ മുന്‍പയാള്‍ പറഞ്ഞു :

"സാര്‍ വിശപ്പ് ഒരു കുറ്റമാണോ..? എന്റെ വിശപ്പ് ഞാനച്ഛനഒടല്ലതാരോട് പറയാന്‍.."

അപ്പോഴേക്കും അയാള്‍ കരഞ്ഞുകഴിഞ്ഞിരുന്നു.

ഞാന്‍ ചോദിച്ചു : "നിങ്ങള്‍ വല്ലതും കഴിച്ചോ..?"

അയാള്‍ ഒന്ന് മൂളി. കള്ളം പരയുകയാണന്ന് എനിക്കറിയാമായിരുന്നിട്ടും രണ്‍ടാമതൊന്ന് കൂടി ചോദിച്ച് അനുജത്തിയെ ബുദ്ധിമുട്ടിക്ക്ണ്ടെന്നു കരുതിയപ്പോഴാണ്‌ അനുജത്തി പുറകില്‍നിന്നും പറഞ്ഞത്..

"ചോറുണ്ടില്ലങ്കില്‍ വരൂ..ഇവിടെ ചോറുണ്ട്..."

അയാള്‍ വേണ്ടെന്ന് പറഞ്ഞോഴിഞ്ഞു. അയാള്‍ കുറെ നേരമിരുന്ന് കരഞ്ഞതിന്‌ ശേഷം തുടര്‍ന്നു.

"സാര്‍.. എന്റെ വിശപ്പിന്‌ എനിക്ക് എന്തു ചെയ്യാന്‍ കഴിയും? സഹിക്കാമെന്ന് കരുതിയാലും ഒത്തിരി

നേരമാവില്ല. വെള്ളംകുടിച്ച് വയറുനിറയ്ക്കാമെന്ന് കരുതിയാം കവ്ട്ടി പുറത്തേക്ക്.."

ഞാനയാളെ സമാധാനിപ്പിക്കുവാനെന്നോണം പറഞ്ഞു : " വിശപ്പെല്ലാവര്‍ക്കുമുള്ളതല്ലേ..?

" അതുപോലെയല്ല സാര്‍..വിശന്നാല്‍ വിശന്നതാ..കഴിച്ചല്പ്ം കഴിഞ്ഞ് വീണ്ടും.. എന്താണെന്നെനിക്കറിയാന്മേലാ.."

എന്തുപറയണമെന്നറിയില്ലായിരുന്നു. ഇങ്ങനെ ഞാന്‍ ആദ്യമായി കേള്‍ക്കുകയാണ്‌. വിശപ്പിന്‌ മരുന്നുതേടി നടക്കുന്നയാളുകളെ കണ്ടിട്ടുണ്ട്. വിശപ്പിനെതിരെ..

കുറച്ച്നേരമയാള്‍ താഴെക്ക് നോക്കിയിരുന്നു. ഞാന്‍ വല്ലത്തൊരവസ്തയിലായി. അനുജത്തി പുറകില്‍ നിന്ന് എല്ലാം കേള്‍ക്കുന്നുണ്‍ടായിരുന്നു. അവളുടെ മുഖം വല്ലാതെ..അവള്‍ അങ്ങനെയാണ്‌.ആരുടെയെങ്കിലും പരിദേവനങ്ങള്‍ കേട്ടാല്‍ അസ്വസ്ഥയാകും.

"സാര്‍ സാറിനൊരു ബുദ്ധിമുട്ടായിക്കാണും..."

അങ്ങനെ അന്നവിടെ തങ്ങുകയും ചെയ്തു. രണ്‍റ്റോ മൂന്നോ ദിവസം കൂടി നിന്നു. അയാളുടെ വീട്ടില്‍ നിന്നും ആരും തിരക്കിവന്നതുമില്ല. ഒടുവില്‍ നഗരത്തില്‍ ഒരു ചെറിയ ജോലി തരപ്പെടുത്തി കൊടുത്തു. പിന്നിട് സമയം കിട്ടുമ്പോഴൊക്കെ അയാള്‍ വീട്ടിലേക്ക് വരുമായിരുന്നു. അങ്ങെനെയാണ്‌ സാര്‍ എന്നത്തില്‍ നിന്ന് മാധവങ്കുട്ടിയേട്ടനിലേക്ക് വളര്‍ന്നത്. അനുജത്തിക്ക് അനിരുദ്ധനെ വ്ലിയ ഇഷ്ടമായിരുന്നു. വരുമ്പോഴെല്ലാം അയാള്‍ വയര്‍ നിറയെ വല്ലതും നല്ലതുപോലെ കഴിക്കുമായിരുന്നു.

അങ്ങനെ വന്നിരുന്ന് അനിരുദ്ദനെ വരുമ്പോഴെല്ലാം ആവശ്യങ്ങളുമേറിവന്നു. അന്റെ കഴിവിന്റെ പരമാവധി

ഞാന്‍ സാധിച്ച് കൊടുത്തിട്ടുമുണ്ട്. എന്നാല്‍, ഒരു തിങ്കളാഴ്ചയോ

ചൊവാഴ്ചയോ ആവാം അനിരുദ്ധന്‍ പതിവ്പോലെ വന്നു.

"ഏട്ടനിന്നെങ്ങോട്ടും ഇറങ്ങിയില്ലേ..?"

"ചെറിയൊരു തലവേദന."

ഡോക്ടരെ കാണിച്ചില്ലേ..?"

"അത്രയ്ക്കൊന്നുമില്ല. അങ്ങ മാറും.."

കുറെനേരം പലതും സാസാരിച്ചിരുന്നു. ഒടുവില്‍...

"ഏട്ടാ, ഒരു രണ്ടായിരം രൂപ വേണം.."

"രണ്ടായിരമോ..?നീയെന്തായീ പറയുന്നത്..? എനിക്ക് ഞെട്ടലായിരുന്നു.

"ഏട്ടെന്നെന്നെ സഹായിച്ചേ പറ്റൂ"

"അതിന്‌ എന്റെ കൈയ്യില്‍.."

"ഏട്ടാ, ഏട്ടനൊന്നും തോന്നരുത്. അനുജത്തിയുടെ കൈയില്‍ രണ്ടു വളകള്‍ ഉണ്ടല്ലോ.അത്..നമുക്ക് പിന്നീട്..അവേളെനിക്കും കൂടെ.."

ഞാനതുവരെ കേട്ടിരുന്നു. എനിക്ക് സഹിച്ച് നില്‍ക്കുവാന്‍ കഴിഞ്ഞില്ല. ഞാന്‍ ചാടിയെഴുന്നേറ്റവന്റെ

കഴുത്തിന്‌ പിടിച്ചു.

"ഇവിടെ വന്ന് മൂക്ക്‌മുട്ടെ തിന്നുന്ന്ത് പോരാഞ്ഞിപ്പോള്‍.."

അവന്‍ ഒഅന്നും മിണ്ടിയില്ല. എതിര്‍ത്തതുമില്ല. ഒരു പവം നോട്ടം നോക്കിയവന്‍ ഇഅറങ്ങിപ്പോയി. അയലത്തുള്ള ആരോ പറഞ്ഞാവും അനുജത്തിയറിഞ്ഞത്. അനിരുദ്ധനൗമായി വഴക്കിട്ടെന്നും..

എന്തുമാകട്ടെ, അവള്‍ സത്യാവസ്ഥ അറിയുന്നില്ലല്ലോ..?

പിന്നിടെപ്പോഴും അനിരുദ്ധനെ കുറിച്ച് പറയുമ്പോഴൊക്കെ മനസ്സില്‍ ഒരു കാലല്‍ ബാക്കി നില്‍ക്കുകയാണ്‌. അത്രയും പരയേണ്‍റ്റിയിരുന്നില്ലെന്നും വേദനിപ്പിക്കേണ്‍റ്റിയിരുന്നില്ലന്നും മറ്റും. ചിലപ്പോഴൊര്‍ക്കും സാരമില്ലന്ന്. അവള്‍ തന്റെ മാത്രം അനുജത്തിയാണല്ലോ...

പക്ഷേ, അതില്‍പ്പിന്നീട് അനിരുദ്ധനെ പറ്റി യാതൊരറിവുമില്ല.

ചില മൊബൈല്‍ ഫോണ്‍ കഥകള്‍

2009-12-22T16:29:00.001-05:00

ഒന്ന്....

കത്തെഴുത്തുകള്‍ പഴകിയതിനാലാവണം പരിചയപ്പെട്ട് കുറെ കഴിഞ്ഞപ്പോള്‍ അവള്‍ പറഞ്ഞു : " ഒരു മൊബൈല്‍ ഫോണ്‍ വാങ്ങി ത്തരണം.."

ആദ്യം ഞാന്‍ മേടിച്ചു..

അപ്പോഴവള്‍ പറഞ്ഞു: "ഇനി എനിക്ക് കൂടി വാങ്ങിത്തരണം. അപ്പോള്‍ നമുക്കേറെനേരം..."

ഞാന്‍ പറഞ്ഞു : "വരെട്ടെ നോക്കാം..!!"

അതിനവളുടെ മറുപടി പെട്ടെന്നായിരുന്നു..

"ചേട്ടനോടാദ്യം പറഞ്ഞുവെന്നേയുള്ളൂ.പറ്റില്ലങ്കില്‍ പറയണം.എനിക്കടുത്താളിനെ..."

രണ്ട്....

"മിസ്കോളുകള്‍ തന്നിട്ടും എന്തേ തിരിച്ച് വിളിക്കാഞ്ഞത്. ഞാന്‍ തന്നെ വിളിക്കണമെങ്കില്‍ നമുക്കീ ബന്ധം ഇവിടെ വെച്ചവസാനിപ്പിക്കാം." അവള്‍ കരഞ്ഞ്കൊണ്ടാണങ്കിലും അവളുടെ സ്വരത്തില്‍ ദ്വേഷ്യം കലര്‍ന്നിരുന്നു.

"ചാര്‍ജ്ജ് ചെയ്തിട്ട് വിളിക്കാമെന്ന് കരുതുയിരിക്കുകയായിരുന്നു." ഞാനൊരു കള്ളം പറഞ്ഞു..

"ശരി...ശരി...അത് കഴിഞ്ഞ് വിളിക്കുക..അതുവരെ, ബൈ..ബൈ..."

2009-12-15T11:09:00.000-05:00

സംശയം

മുന്നോട്ട് നടക്കവേ പിന്നില്‍ നിഴലുണ്ടന്ന് കണ്ട് തിരിഞ്ഞ് നോക്കി. യാത്ര തിരിച്ചപ്പോള്‍ മുതല്‍ വിചാരിച്ചതാണ്‌ തിരിഞ്ഞ് നോക്കരുതെന്ന്. പക്ഷേ, സാധിച്ചില്ല്. നിഴല്‍ ഉണ്ടോ ഇല്ലയോ എന്നറിയണമല്ലോ..? നിഴല്‍ കാണാനില്ല. വേവലാതിയോടെ പിന്നിട്ടദൂരം തിരിഞ്ഞ്‌ നടന്നു. വീടെത്തിയപ്പോള്‍ ഒരാള്‍ പിന്നാമ്പുറത്ത് പതുങ്ങുന്നു. നടത്ത്ം വേഗത്തിലാക്കി. പിന്നാമ്പുറത്തെത്തിയപ്പോള്‍ നിഴല്‍ തന്നെ നോക്കി ഇളിഭ്യതയോടെ നില്‍ക്കുന്നു.

അപ്പോള്‍ ഭാര്യ കുളിക്കുകയായിരുന്നു.

"ഏട്ടനെന്തേ തിരികെ വന്നത്..?"

"ഏയ് .. ഒന്നുമില്ല.."

"എന്തെങ്കിലും മറന്നോ..?"

ഉത്തരം പറയാതെ നിഴലിനൊപ്പം ഞാന്‍ പടി കടന്നു.

മകന്‍റെ വരവ്

2009-12-01T22:58:00.000-05:00

അമ്മ മകനെ കാത്തിരുന്നത് അവന്‍ വരുമ്പോള്‍ തന്നെ കെട്ടിപ്പുണരുമെന്നും അമ്മേ എന്ന് വിളിക്കും എന്നവര്‍ കരുതി.

അവന്‍ വന്നു.

അമ്മേ എന്ന് വിളിക്കുന്നതിന്‌ പകരം തള്ളേ എന്ന് വിളിച്ചു.

എന്നാലും അവര്‍ക്ക് സന്തോഷമായിരുന്നു. അവരുടെ മനസ്സ് സന്തോഷത്താല്‍ നിറഞ്ഞു. മകന്‍ തിരിച്ച് പോകാറായായപ്പോള്‍

അവര്‍ക്ക് ആധിയായി. ഇനി മകനെ എന്ന് കാണാനാകും.

മകന്‍ പോകുന്നതിന്‌ മുമ്പ് അമ്മയോടായി പറഞ്ഞു : " അടുത്തപ്രാവശ്യം വരുന്നത് വരെ ജീവിച്ചിരുന്നേക്കണം. ഇട്യ്ക്കെങ്ങാനും കാറ്റ് പോയാ തള്ളേ കാശ് എത്രയാ ചെലവെന്നറിയാമോ.?"

അമ്മ ഒന്നും മിണ്ടാതെയിരുന്നു.

2009-11-26T18:24:00.000-05:00

മലയാളി
കുരുടനായ ഒരു മലയാളിയാണ്‌ ഞാന്‍. എല്ലായിപ്പോഴും ഒന്നാമനാകാന്‍ കൊതിക്കുന്നവന്‍. ചിലപ്പോഴെല്ലാം മറ്റുള്ളവരുടെ സ്വകാര്യതയിലേക്ക് നടന്ന് കയറുക എനിക്ക് ഒരു ഹരവുമാണ്‌. ആരെന്ത് ചോദിച്ചാലും മുക്കിയും മൂളിയും തട്ടിയും മുട്ടിയും കാര്യങ്ങള്‍ മുഴുമിക്കാത്തവന്‍. എന്നാല്‍ തന്റെ സ്വകാര്യതകളില്‍ ആരും കൈ കടത്തുന്നത് ഇഷ്ടമല്ലാത്തവന്‍. ചുളുവിന്‌ കാര്യങ്ങള്‍ സാധിച്ചെടുക്കുന്നവന്‍. കല്ല്യാണ കമ്പോളത്തില്‍ താലിച്ചരടിന്‌ വിലപേശുന്നവന്‍. ഇപ്പോള്‍ പുതിയ ഒരു ഹരം കൂടി വന്ന് ചേര്‍ന്നിരിക്കുന്നു.കൊട്ടേഷന്‍!!

വാദിയും പ്രതിയും
കോടതിവരാന്തയില്‍ അയാളുടെ വക്കീല്‍ പ്രതിയോട് സംസാരിക്കുന്നതും കൈകൊടുത്ത് പൊട്ടിച്ചിരിക്കുന്നതും അയാള്‍ നിസ്സാരമായേ കണ്ടുള്ളൂ. വിധിപറയലിന്റെ ഒരോ ദിവസവും സാഹചര്യങ്ങല്‍ മാറി മാറി വന്നു. വിധിവന്നപ്പോള്‍ അയാളായിരുന്നു പ്രതി.
<>

നദി
നദികളെ കുറിച്ച് പഠിക്കാനായിരുന്നു അവര്‍ വന്നത്. ദിവസങ്ങളും മാസങ്ങളുമെടുത്തവര്‍ പഠിച്ചു. പക്ഷേ റിപ്പോര്‍ട്ട് മാത്രം വന്നില്ല. കാരണം നദിയില്ലാ.. അതുതന്നെ...!
<>

മെഴുക് തിരി

എരിയും തോറും കൂടുതല്‍ പേര്‍ക്കായി വെള്ളിവെളിച്ചം നല്‍കി ജീവിതം ഉരിഞ്ഞ് കളഞ്ഞ്‌ കൊണ്ടിരുന്നു. അവസാനം മെഴുക്തിരി തിരിച്ചറിയുകയായിരുന്നു..വേണ്ടിയിരുന്നില്ലന്നും... ഫലമില്ലാതിരിക്കുന്നത് കണ്ട് അത് മുതലിത് വരെ കരഞ്ഞ് കാലം കഴിക്കുന്നു.. അപ്പോഴും വെള്ളിവെളിച്ചം ആവശ്യത്തിന്‌ മറ്റുള്ളവര്‍ക്കായി കരുതി വെച്ചു.

അയല്‍ക്കാരന്‍

അയല്‍ക്കാരന്റെ തീന്മേശയിലേക്ക് നോക്കി ജീവിതമാരംബിക്കുമ്പോള്‍ അയാള്‍ക്കറിയില്ലായിരുന്നു അത് അയാളുടെ നിത്യജീവിതമാകുമെന്നും, അയാള്‍ എന്നും നല്ല അയല്‍ക്കാരന്‍ അല്ലാതാവുകയും ചെയ്യുമെന്നും..ഒടുവില്‍ അയാളെ അയല്‍ക്കാര്‍ തന്നെ ഭ്രാന്താസ്പ്ത്രിയില്‍ എത്തിച്ചു.

മോചനം

വിഷസ്ഞ്ചിയിലെ വിഷം ചീറ്റി പാമ്പ് വേവലാതി പൂണ്ടു. "എനിക്കീ കൂടയില്‍ നിന്നും മോചനം നേടണം." പാമ്പാട്ടി പറഞ്ഞു : "നിന്റെ ജോലി ആടുകയെന്നത് മാത്രമാണ്‌. അതിനപ്പുറമുള്ള ലോകം ഭയാനകമാണ്‌." "ഇല്ല..ഇല്ല..കള്ളം.എനിക്ക് മടുത്തു. എന്നും ഒരേ ആടല്‍ മാത്രം. പാലും പഴവും മടുത്തു. സ്വൈരവിഹാരം നടത്തണമെനിക്ക്.."

പാമ്പാട്ടി ക്രൂദ്ധനായി. അയാള്‍ മേല്‍ക്കൂട് വലിച്ചടച്ചു. മകുടി ഭദ്രമായി സഞ്ചിയില്‍ വെച്ചു. പാമ്പോര്‍ത്തു : നീചന്‍, എന്റെ സ്വാതന്ത്ര്യം അയാളുടെ അന്നം മുട്ടുമെന്നയാള്‍ ഭയക്കുന്നു. ഭ്രാന്ത് പിടിക്കുന്ന അവസ്ഥയില്‍ പാമ്പ് അസ്വസ്ഥനായി.

പിറ്റേദിവസം, കൂട തുറന്നപ്പോഴേക്കും പാമ്പ് ശീല്‍ക്കാരശബ്ദ്ത്തോടെ പുറത്തേക്ക് ചാടി, വായുവില്‍ ഇഴഞ്ഞ് പൊങ്ങി. പാമ്പാട്ടി മകുടം സ്ഞ്ചിയില്‍ പരതി. മകുടി അയാളുടെ കൈയ്യില്‍ നിന്നും തെന്നി മാറി.

പൊന്തക്കടിനൊടുവില്‍ മുള്‍പ്പടര്‍പ്പിലേക്ക് നുഴഞ്ഞ്കയറവേ ഊക്കോടെ ഒരടി പുറത്ത് വീണു. പിന്നീട് തലങ്ങൗം വിലങ്ങും..

ഒടുവില്‍...

വനവാസസദനം

"എന്റെ സ്വത്ത് ഞാനാര്‍ക്ക് കൊടുക്കണമെന്ന് തീരുമാനിക്കുന്നത് ഞാനാ. അത് ചോദിക്കാന്‍ നീയാരാ..?" : അച്ഛന്‍ കലി തുള്ളി.

"അപ്പോള്‍ രാമനെ പോല്‍ ഞാനും വനവാസത്തിന്‌ പോകണമെന്നാണോ?" മകന്‍ അച്ഛന്‌ നേരേ വാക്കുകളാല്‍ അസ്ത്രം തൊടുത്തു.

"അതേ.." അച്ഛന്‍ അലറി.

പക്ഷേ, മകന്‍ വനവാസത്തിന്‌ പോകാന്‍ തയ്യാറാകാതെ അച്ഛനെ വൃദ്ധസദനത്തിലേക്ക് അയച്ച് സ്വയം കിരീടമണിഞ്ഞു.